Номгон сумын 3 удаагийн тэргүүний баг, Төхөм багийн иргэдийн Нийтийн Хурлын 2-р улирлын ээлжит хуралдаан 2025.05.31-ний өдөр амжилттай зохион байгуулагплаа. Хуралдаанд нийт 143 өрхийн 51 өрхийн 65 иргэн оролцож хуралдааны ирц 100 хувь, хангалттай байлаа. Тус баг хуралдаанаараа багийн Засаг даргын үйл ажиллагааны талаарх тайлан мэдээллийг сонсож, Орон нутгийн хөгжлийн сангийн хөрөнгөөр хийгдэх төсөл, хөтөлбөр, арга хэмжээний саналыг эрэмбэлэх, багийн дотоод асуудлын хүрээнд багийнхаа эмэгтэйчүүдийн зөвлөлийн дарга, ахмадын зөвлөлийн даргыг сонгох зэрэг асуудлыг хэлэлцлээ.

Үндэсний бичгийн 10 цагийн сургалт 2025.04.29-нөөс эхлэн 3 хоног боллоо. Сургалтад нийт 23 албан хаагч оролцлоо. Тус сургалтаар албан хаагчид - Үндэснйи бичгээр унших, - Үндэсний бичгээр хичээнгүй бичих - галиглах - тоо тоолол -нэрийн тийн ялгал - үйлийн тийн ялгал - уламжлалт бичигтэй үгс - хөрвүүлэх - гадаад үгс - цахим бичвэр зэрэг агуулгыг үзэж дүүргэлээ.

"Бүсчилсэн хөгжил-Төрийн албаны манлайлал" говийн бүсийн зөвлөгөөн өндөрлөлөө. Говьсүмбэр, Дундговь, Өмнөговь, Дорноговь аймгийн 700 орчим төрийн албан хаагч оролцлоо. Номгон сумаас ИТХ-ын Ажлын албаны дарга Б.Булгамаа, ЗДТГ-ын дарга Б.Баярсайхан, Байгаль орчны бодлогын мэргэжилтэн П.Саранчимэг, ЕБС-ийн менежер Б.Мөнхөө, 14-р цэцэрлэгийн эрхлэгч Б.Алтантуяа, ЭМТ-ийн мэргэжилтэн Б.Нэргүй, Соёлын төвийн багш У.Батчимэг, насан туршийн боловсролын багш Р.Баттогтох нар оролцлоо.

Хүндлэл, бахархал ТББ-аас иргэд, албан хаагчдад "Цахим ур чадварыг нэмэгдүүлэх " сэдэвт сургалтыг зохион байгууллаа. Тус сургалтад нийт 43 хүн хамрагдлаа.

Сумын ГХУСАЗСЗ-өөс Хүүхэд залуучуудын хөгжлийн төвтэй хамтран "Электрон тамхинаас татгалзъя" нөлөөллийн аяныг өрнүүлж эхлээд байна. Тус аянд Зэвсэгт хүчний 104-р тусгай ротын алба хаагчид нэгдлээ.

Сумын ГХУСАЗСЗ-өөс Хүүхэд залуучуудын хөгжлийн төвтэй хамтран "Электрон тамхинаас татгалзъя" нөлөөллийн аяныг өрнүүлж эхлээд байна. Тус аянд 14-р цэцэрлэгийн хамт олон нэгдлээ.

Өмнөговь аймгийн Даланзадгад сумын 11 дүгээр цэцэрлэгээс зохион байгуулж байгаа "Атга будаа" сайн үйлсийн аянд Номгон сумын 14-р цэцэрлэгийн 4 бүлгийн бяцхан улаан загалмайч хүүхдүүд нэгдэж сумын УЗАШХ-нд 35 кг будааг хүлээлгэн өглөө. Сайн үйлс бүхэн дэлгэрэх болтугай. Бяцхан Улаан загалмайч хүүхдүүддээ нийт Номгончуудынхаа өмнөөс талархал илэрхийлье. Хүүхдүүддээ болон багш нартаа баярлалаа. Буян хишиг нь будаа шигээ арвижин дэлгэрэх болтугай.

Сургуулийн гал тогоонд сандлаа нааш цааш чирэх бүрд шар, шурхийн дуугарч, шалан дээр зураас гарах нь бий. Энгийн мэт сонсогдох энэ асуудал хүүхдийн тайван хооллох нөхцөлийг үгүй хийдэг. Харин Өмнөговь аймгийн Номгон сумын ЕБС-ын дуу хөгжим, технологийн багш Д.Жаргалсүрэн үүнд тун амархан хэрнээ үр дүнтэй шийдэл олжээ.

Сумын ИТХ-ын Ажлын албанаас Хурлын тогтоол, захирамж, тушаал болон албан бичгээ монгол бичгээр хөтлөн явуулж байна

Дорнод аймгийн Хөлөнбуйр сумын түймэрт өртсөн малчид, иргэдэд туслах "Халуун сэтгэл" хандивын аянд Өмнөговь аймгийн Номгон сумын иргэд, малчид нэгдэж 2025.03.10 -ний өдрөөс 4 сарын 08-ний өдрүүдэд нийт 95 гэр бүл 5,122,220 төгрөгийг төвлөрүүллээ. Мөн Номгон сумын 19 гэр бүл Хөлөнбуйр сумын 5422255238 дансанд нийт 908.888 төгрөг төвлөрүүлжээ. / хандивт нэгдсэн иргэдийн өөрсдийн мэдээлснээр бүртгэв/ Хүмүүнлэгийн үйлс бүхэн дэлгэрэх болтугай. Хандивын аянд нэгдсэн Хүмүүнлэг гэр бүл, иргэд, малчид, хамт олон Та бүхэндээ талархал илэрхийлье.

Сумын ИТХ-аас ТОYA хүүхэд хөгжлийн академийн " Номч оюуны гайхамшиг" сургалтын төвийн багш нарыг урьж сумандаа сурч, оюунаа хөгжүүлэх нөхцөл боломжийг хүүхдүүдэд олгож анхан шатны сургалтыг зохион байгууллаа. сургалтад сургуулийн 27 хүүхэд, цэцэрлэгийн 17 хүүхэд хамрагдаж аав ээждээ сурсан мэдсэн зүйлээ хуваалцаж, амжилт бүтээлээ харуулж, багш нараасаа гэрчилгээгээ гардан авлаа.

Шинээр нийтийн албанд томилогдсон багийн Засаг дарга нарыг ХАСХОМ программд бүртгэж, ХАСХОМ мэдүүлэх заавар зөвлөмжийг өгч ажиллалаа.

Сумын ИТХ-ын Хороод 2025.03.27-ний өдөр хуралдаж хорооны ажлын төлөвлөгөөгөө баталж, хуралдаанар хэлэлцэх зарим асуудлыг урьдчилан хэлэлцэж санал дүгнэлтээ гаргаж хуралдаанд танилцуулахаар ажиллалаа. Хурлын ажлын албанаас зөвлөмж чиг үүрэг өгч, хороодын ажиллах журам бүхий Хорооны ажлын хавтас нээн өгч хамтран ажиллалаа.

Багийн ИНХ-ын хуралдааныг удирдан явуулах, хуралдааны шийдвэрийг албажуулан гарын үсэг зурах, дараагийн хуралддааны зохион байгуулалтын бэлтгэлийг хангах үүргийг хэрэгжүүлэх, сумын ИТХ-ын дэргэдэх УЗАШХ-ны ажилд хамтран ажиллах зорилгоор сумын ИТХ-ын ажлын албанаас багийн ИНХ-ын хуралдааны дарга нартай хамтран ажиллах гэрээг байгууллаа.

Номгон сумын Эмэгтэйчүүдийн зөвлөлөөс жил бүр уламжлал болгон зохион байгуулдаг Олон Улсын эмэгтэйчүүдийн эрхийг хамгаалах өдөрт зориулсан арга хэмжээ "Би өөртөө хайртай" Март -8 баярын хурлын үйл ажиллагаа. Энэхүү өдөр Богт багийн өндөр настан Цэрэндулам гуай Төрийн дээд шагнал Алтан гадас одонгоор энгэрээ мялаалгалаа. Мөн Монголын Эмэгтэйчүүдийн Холбооны шагналаар зарим тэргүүний эмэгтэйчүүд шагнагдлаа.

Номгон сумын ИТХ-ын төлөөлөгчид болон багийн Засаг дарга, сумын Засаг дарга, Засаг даргын орлогч зэрэг нийт 26 албан тушаалтан Хувийн ашиг сонирхлын болон хөрөнгө орлогын мэдүүлгээ Авлигын эсрэг хуульд заасан хугацаандаа мэдүүллээ.

Номгон сумын ИТХ-ын урилгаар Өмнөговь аймгийн соробан сампин баруун тархийг хөгжүүлэх Номч Оюуны гайхамшиг сургалтын төвийн багш нар маань Номгон суманд ирж анхан шатны сургалтаа эхлүүллээ. 🪄Сампин ямар давуу талуудтай вэ? 💙❤️Соробанаар хичээллэснээр хүний сэтгэн бодох, оюун ухааны үйл ажиллагааны үндэс болсон чадварууд нэгэн зэрэг хөгждөг давуу талтай. 💛💚 🧮Анхаарал төвлөрөх чадвар 🧮Ой тогтоолт 🧮Мэдээлэл боловсруулах 🧮Төсөөлөх 🧮Тэвчээр хатуужил 🧮Тооцоолох 🧮Хурдан сонсож, бичих чадвар