Тэмцээнд ЗДТГ, ЭМТ, ЕБС, 14-р цэцэрлэг, Зэвсэгт хүчний 104-р тусгай ротоос баг бүрдүүлж нийт 16 багийн 32 албан хаагч оролцлоо.

Авлигын эсрэг хууль 10 дугаар зүйл. Хөрөнгө, орлогын мэдүүлэг гаргах 10.1.Энэ хуулийн 4.1-д заасан этгээд /цаашид "мэдүүлэг гаргагч" гэх/ хөрөнгө, орлогын мэдүүлэг гаргах бөгөөд шаардлагатай тохиолдолд Улсын Их Хурлын Хууль зүйн байнгын хороо Авлигатай тэмцэх газрын саналыг үндэслэн хөрөнгө, орлогын мэдүүлэг гаргах албан тушаалын жагсаалтыг батална. 10.2.Мэдүүлэг гаргагч нь өөрийн болон гэр бүлийн гишүүдийн хөрөнгө, орлого, зээлийг үнэн зөв мэдүүлэх үүрэгтэй. /Энэ хэсгийг 2014 оны 1 дүгээр сарын 24-ний өдрийн хуулиар өөрчлөн найруулсан/ 10.3.Мэдүүлэг гаргагч хөрөнгө, орлогын мэдүүлгээ тухайн албан тушаалд томилогдсон буюу сонгогдсон өдрөөс хойш 30 хоногийн дотор, цаашид тухайн алба хааж байгаа хугацаандаа жил бүрийн 02 дугаар сарын 15-ны дотор шинэчлэн гаргаж энэ хуулийн 11 дүгээр зүйлд заасан байгууллага, албан тушаалтанд өгөх үүрэгтэй. 10.4.Мэдүүлэг гаргагч энэ хуулийн 10.3-т заасан хугацаанд мэдүүлгээ мэдүүлсний дараа хөрөнгө, орлого нь нэг сарын хөдөлмөрийн хөлсний доод хэмжээг хоёр зуун тавь дахин нэмэгдүүлсэнтэй тэнцэх буюу түүнээс дээш хэмжээгээр өөрчлөгдсөн бол түүнийг тухай бүр 30 хоногийн дотор мэдүүлнэ. /Энэ хэсгийг 2014 оны 1 дүгээр сарын 24-ний өдрийн хуулиар өөрчлөн найруулсан/ 10.5.Хөрөнгө, орлогын мэдүүлгийг энэ хуулийн 10.3, 10.4-т заасан хугацаанаас хожимдуулж гаргасан нь хүндэтгэн үзэх шалтгаангүй бол гаргаж өгөөгүйд тооцно. 10.6. Монгол Улсын Ерөнхийлөгчийн болон Монгол Улсын Их Хурлын сонгуульд нэр дэвшигч Авлигатай тэмцэх газарт, бүх шатны иргэдийн Төлөөлөгчдийн Хурлын сонгуульд нэр дэвшигч тухайн аймаг, сум, нийслэл, дүүргийн сонгуулийн хороонд сонгуулийн хуульд заасан хугацаанд тус тус хөрөнгө, орлогын мэдүүлгээ гаргана. /Энэ хэсэгт 2022 оны 4 дүгээр сарын 22-ны өдрийн хуулиар өөрчлөлт оруулсан./ /Энэ хэсэгт 2019 оны 12 дугаар сарын 20-ны өдрийн хуулиар өөрчлөлт оруулсан./ 10.7.Хөрөнгө, орлогын мэдүүлгийн маягт, түүнийг бүртгэх, хадгалах журмыг Улсын Их Хурлын Хууль зүйн байнгын хороо батална. /Энэ зүйлийг 2012 оны 1 дүгээр сарын 19-ний өдрийн хуулиар өөрчлөн найруулсан/

Хүмүүнлэгийн үйлс бүхэн дэлгэрэх болтугай

УИХ-ын даргын ивээл дор зохион байгуулах сумын аварга шалгаруулах "Шатар"-ын тэмцээнд нийт 12 тамирчин хамрагдлаа

Номгон сумын ИТХ-ын ээлжит 14 дүгээр хуралдаан 2023.12.06-ний өдөр 90.47 хувийн ирцтэй хуралдаж 9 асуудлыг хэлэлцлээ.

Өмнөговь аймгийн зүүн сумдын Төрийн албан хаагчдийн сургалт зөвлөгөөн уулзалт 2023.11.10-12-ний өдрүүдэд Цогтцэцэий сумын төвд амжилттай сайхан зохион байгуулагдлаа. Нэгдсэн арга хэмжээний урлаг спортын наадамд Номгон сумын ИТХ, ЗДТГ-ын албан хаагчид амжилттай оролцож 8 сумаас 5 дугаар байранд шалгарлаа

Номгон сумын ИТХ, ЗДТГ-ын санаөчилга, аймгийн ИТХ-ын төлөөлөгч С.Идэрсүрэнгийн ивээн тэтгэлэгээр Сангийндалйн мэдээ сонинг улирал тутам гаргаж иргэдэд мэдээ мэдээллийг хүргэн ажмллаж байна.

Говь нутагт маань сүүлийн жилүүдэд бороо хур орох нь улам багасаж говьчууд, малчид бидний амьдрах аж төрөх нөхцөл улам л хүндэрч байна. Өнгөрсөн жилийн өвөл, хаврын хүнд бэрх цагийг даван туулж, дэлгэр цаг ирэх байх гэсэн найдлага тээсэн хэдий ч 7-р сар гарсаар нийт нутгаар хур тунадас маш бага хэмжээтэй ороод байгаа юм. Иймд Хүрмэн, Номгон, Ханхонгор гурван сумын заагт байх “Гоожуурын булагт” үүл хуримтлуулах, бороошуулах төхөөрөмжийг байршуулахаар шийдвэрлэлээ. Хур бороо оруулах бүхий л аргыг судалж байна.

Хоршооны бүтцэд тулгуурлан хүнсний хангамж аюулгүй байдлыг хангах, түүхий эдийн бэлтгэн нийлүүлэлтийн тогтолцоог бүрдүүлэх зорилгоор амжилттай ажиллаж буй хоршоодын туршлагыг дэлгэрүүлэх, хоршоологчдын оролцоог нэмж олон улсын түвшинд хөгжүүлэх зорилгоор Засгийн газрын хэрэгжүүлэгч агентлаг Жижиг дунд үйлдвэрийн газар, Монголын хоршооллын үндэсний нэгдсэн холбооноос хамтран зохион байгуулсан “Хоршоологчид тогтвортой хөгжилд-2023” туршлага солилцох үйл ажиллагаанд Өмнөговь аймгийн Хүнс, хөдөө аж ахуйн газрын Үйлдвэрлэл, худалдаа үйлчилгээний албаны дарга О.Мөнгөнчимэг, Даланзадгад сумын “Хотол таван эрдэнэ” хоршооны дарга М.Мөнхзул нар амжилттай оролцлоо.

Өмнөговь аймгийн "Буянт хотхон" хүүхдийн зуслангийн амралтад Номгон сумын ЕБС-ийн дотуур байрны 6 сурагч амарч үе тэнгийн хүүхдүүдтэй зуныг зугаатай өнгөрүүлж байна. Сумын Засаг дарга С.Идэрсүрэн, сумын "Хүүхдийн элч"төлөөлөгч Ж.Доржсүрэн нар зуслангийн төлбөрийн зардалд дэмжлэг туслалцаа үзүүлж хүүхдүүдийг тус зусланд амрах эрх олгож хүүхдийн сурч хөгжих, үе тэнгийн хүүхдүүдтэй танилцах, бусдаас суралцах, авьяас чадвараа нээн хөгжүүлэх сайхан боломжийг олгоод байна. Дотуур байрны багш Б.Сайнгэрэл өөрийн биеэр хүүхдүүдтэйгээ зусланд хамт амарч хамт суралцсан байна.

Өмнөговь аймгийн Засаг даргын 2020-2024 оны "НУТГИЙН ХИШИГ" хөтөлбөр, Шинэ Мянган Айлын Орон сууц хөтөлбөрийн хүрээнд Номгон суманд 15 айлын орон сууц ашиглалтад орлоо. 1979 онд ашиглалтад орсон Номгон сумын 320 хүүхдийн сургуулийн барилгад боловсролын үйл ажиллагаа явуулах боломжгүй дүгнэлт гарч, улмаар шинэ сургуулийн барилга 2020 онд ашиглалтад орсон байдаг. Улмаар сургуулийн хуучин барилгыг аймгийн орон нутгийн 579 сая төгрөгийн хөрөнгө оруулалтаар 15 айлын орон сууц, 1 фитнесийн заал, 1 дэлгүүр, 1 агуулах бүхий орон сууцны цогцолбор болгон засварлаж, улсын комисст хүлээн авлаа. Захиалагч: Номгон сумын Засаг даргын тамгын газар Гүйцэтгэгч: Алтан Шаргал Констракшн ХХК Хяналт: Монгол Улсын зөвлөх инженер Эрдэнэ.

Өмнөговь аймгийн Засаг даргын “Нутгийн хишиг” мөрийн хөтөлбөр хүрээнд орон нутгийн онцлог бүхий соёлын өвийг хадгалж хамгаалах, түгээн дэлгэрүүлэх ажлын хүрээнд “Говь арт” говийн бүсийн уралдаан, үзэсгэлэнг 07 дугаар сарын 02-ноос 04-ний өдрүүдэд Хөгжимт жүжгийн театрт зохион байгуулж байна. Өмнөговь аймгийн Номгон сумын харьяат, Монгол улсын Урлагийн гавьяат зүтгэлтэн А.Довчиндаваа агсны нэрэмжит уран сийлбэр, уран баримлын “Говь арт” бүсийн уралдаанд Өмнөговь, Говь-Алтай аймгийн урчууд 180 гаруй бүтээлээр оролцож байна.

Худалдан авах ажиллагааны гэрээ байгуулагдсан ажлууд 1. Эмгэнбулаг багт "Цөөрөм байгуулах" ажлыг Н.Мянганбаяр , гэрээний дүн 8,500,000 2. Дэрсэнэ-Ус багт "гүн өрмийн худаг" гаргах ажлыг Гранд холдинг ХХК, гэрээний дүн 29,939,106 3. "Соёлын төвийн гадна талбайн тохижилт" ажлыг Алтан шаргал констракшн ХХК, гэрээний дүн 89,871,968 4. Төхөм, Дэрсэнэ-Ус, Эмгэнбулаг багийг "2квт-н зөөврийн нарны эх үүсвэрээр хангах" ажлыг Дүйнхэр тэргүүн ХХК, гэрээний дүн 36,088,727 5. Сумын төвийн "Ногоон байгууламжийг нэмэгдүүлэх" ажлыг Хаан түшиг мандал ХХК, гэрээний дүн 73,854,200 6. "Гүн өрмийн цооног" гаргах ажлыг Эхний эхэн ХХК, гэрээний дүн 172,000,000 7." Цэгцтэй гэр хороолол тохилог хашаа" хийх ажлыг Говийн оньч ХХК, гэрээний дүн 20,000,000 8. "Богино яндант худгуудыг сэргээн засварлах" ажлыг Богт хөрх ТББ, гэрээний дүн 20,000,000 тус тус гэрээ байгуулан ажлыг эхлүүлсэн.

Сумын ИТХ-ын ээлжит 12 дугаар хуралдаанаар Номгон сумыг хөгжүүлэх 2020-2024 оны сумын Засаг даргын үйл ажиллагааны мөрийн хөтөлбөрийн хэрэгжилт, сумын 2023 оын хөгжлийн жилийн төлөвлөгөөний хагас жилийн хэрэгжилт, Орон нутгийн хөгжлийн сангийн хэрэгжилт, Байгаль орчныг хамгаалах талаар хийж хэрэгжүүлж байгаа ажлын талаарх тайлан, Хог хаягдлын менежментийн талаар хийж хэрэгжүүлж байгаа ажлын тайлан, сумын 2022 оны төсвийн гүйцэтгэл зэрэг 11 асуудлыг хэлэлцэж шийдвэрлэлээ.

Өмнөговь аймгийн Шүүхийн Тамгын газраас аймгийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран шүүхийн ил тод нээлттэй байдлыг ханган олон нийтэд шүүхийн үйлчилгээг ойртуулах, иргэдийн хууль эрх зүйн мэдлэгийг дээшлүүлэх, гэмт, хэрэг зөрчлөөс урьдчилан сэргийлэх, санал хүсэлт, өргөдөл гомдол, нэхэмжлэл хүлээн авах, эвлэрүүлэн зуучлах ажиллагааг газар дээр нь шийдвэрлэх болон харьяа сумуудаас сонгогдсон шүүхийн иргэдийн төлөөлөгч нарт сургалт, мэдээлэл хийх зорилгоор 2023 оны 06 дугаар сарын 27-ны өдөр Өмнөговь аймгийн Номгон суманд ажиллаж иргэдэд сургалт мэдээлэл хийлээ.

Аймгийн ИТХ-ын төлөөлөгч, Номгон сумын засаг дарга С.Идэрсүрэнгийн санаачилга дэмжлэгтэйгээр ✌️"Нутгийн хишиг" хөтөлбөрийн хүрээнд орон нутгийн санхүүжилтээр Номгон суманд ✌️Өмнөговь аймгийн Холбооны газар өрх бүрийг шилэн кабелийн сүлжээнд холбох “Цахим айл” төслийг хэрэгжүүлэхээр гурвалсан үйлчилгээний шилэн кабелийн үндсэн бааз суурийг суурилуулах ажлаа эхлээд явж байна. Энэхүү үйлчилгээ нэвтэрснээр айл өрхүүд телевизийн олон сувгийг 96 цаг нөхөж үзэх, суурин утсаараа орон даяар сүлжээндээ үнэгүй ярихаас гадна бусад сүлжээ руу үнэгүй ярих минуттай, өндөр хурдны интернэтийг хэрэглээний хязгааргүйгээр Улаанбаатар хот болон аймгийн төвийн хэрэглэгчидтэй адил өндөр хурдаар авах боломж бүрдэж байна. Захиалга өгөх утас: 70538000, 80081588 ХАРИЛЦАА БҮРИЙГ БИД ХОЛБОНО

Говь нутгийнхаа хөрсөнд эрүүл аюулгүй хүнсний ногоо тариалахыг дэмжин Аймгийн Засаг даргын "Нутгийн хишиг" хөтөлбөрийн хүрээнд хүлэмжийн аж, ахуйг эрчимжүүлж, манай сумын иргэдэд 2022-2023 онд 15 хүлэмжийг 70% хөнгөлөлттэй үнээр олгоод байна.