Өмнөговь аймгийн аварга шалгаруулах паралимпийн тэмцээнд тус сумын З.Заанзаяа ахлагчтай баг тамирчид амжилттай оролцож нийт 6 алт, 1 мөнгө, 2 хүрэл медаль хүртэж, багаараа тэргүүлж алтан медаль, явах цомыг авлаа. Уг тэмцээний цомыг баг тамирчид 3 жил дараалан авч байгаа тул үүрд хадгалуулахаар болжээ. 6 сард болох улсын аваргын тэмцээнд З.Заанзаяа, Ц.Өөдөс, Ц.Эрдэнэтөгс, Б.Буяннэмэх, Б.Төмөрбаатар нар оролцохоор бэлтгэлд гараад байна. Баг тамирчдад сумын нийт иргэдийнхээ өмнөөс баяр хүргэж, амжилт хүсэж байна.