XVII жарны “Сүрээр дарагч” хэмээх Гал морин жилийн босгон дээр Номгон сумын Эмгэнбулаг багийн малчин, 202-2024 оны сумын ИТХ-ын Төлөөлөгч Цэвэгмэдийн Бархас, түүний гэргий Бат-Өлзийн Отгонжаргал нар “Улсын аварга малчин” цол хүртлээ.

Шагналыг Монгол Улсын Их Хурлын гишүүн, Төсвийн байнгын хорооны дарга Н.Наранбаатар, аймгийн иргэдийн Төлөөлөгчдийн Хурлын дарга О.Эрдэнэ-Өрнөх, аймгийн ЗДТГ-ын Салбарын хяналт, зохицуулалтын хэлтсийн дарга Б.Гантулга, Хүнс, хөдөө аж ахуйн дарга Ш.Бат-Эрдэнэ нарын хамт гардуулан өгч, хүндэтгэл үзүүллээ.

Удам дамжсан малчид маань 1995 онд өрх тусгаарлан, 31 гаруй жилийн турш тасралтгүй мал маллаж ирсэн. Энэ жил мянга гаруй толгой мал тоолуулж, таван хошуу малыг хослуулан өсгөдгөөрөө онцлог юм.