Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 9 дүгээр зүйлийн 9.9-д заасны дагуу аймаг, нийслэл, сум, дүүргийн иргэдийн Төлөөлөгчдийн Хурлын нөхөн болон дахин сонгуулийг 2022 оны 6 дугаар сарын 19-ний өдрийн ням гаригт нэгдсэн журмаар зохион байгуулна. Гурвансайхан сумын 2, Сайхан-Овоо сумын 1, Дэлгэрцогт сумын 1 нийт 5 хэсэгт нөхөн сонгууль болно. Тус сонгуулийг зохион байгуулах аймаг, сумдын сонгуулийн хороо байгуулагдан нөхөн сонгууль зохион байгуулах цаг хугацааны хуваарийн дагуу ажиллаж байна.