Олон Улсын Хүмүүнлэгийн өдөр 2022 оны 05 дугаар сарын 08-нд тохиож байгаа билээ. Хүмүүнлэгийн өдрийг угтаж сумын УЗАШХ-ноос ЕБС-ийн Өсвөрийн Улаан Загалмай бүлгийн гишүүд, "Мини парламент"-ийн сурагч гишүүдтэй хамтран хүүхдүүд өөрсдөө сургуулийнхаа орчинд эрсдлийн үнэлгээ хийх, эрсдлийг бууруулах талаар ажиллах чиглэлээр сурагчдад мэдээлэл сургалт өгч хамтран ажиллалаа. Мөн энэхүү ажлын хүрээнд ӨУЗ гишүүдийн эгнээг өргөтгөх, шинээр гишүүн элсүүлэх, сургуулиараа хүмүүнлэгийн үйлсэд нэгдэх, гишүүд сурагчдын идэвх санаачлагыг дэмжих, Хүмүүнлэгийн танхимд "Гамшгийн бэлэн байдлын үед сурагч хүүхдүүдэд туслах булан" байгуулах зэрэг ажлуудыг зохион байгуулахаар төлөвлөн ажиллаж байна. Хамтран ажилласан ЕБС-ийн багш Б.Мөнхөө, Нийгмийн ажилтан багш нартаа талархал илэрхийлье. Иргэд, байгууллага, албан хаагчид Та бүхнийг Олон Улсын хүмүүнлэгийн өдрийг угтаж хүмүүнлэгийн үйлсэд нэгдэхийг уриалж байна