Номгон сумын ИТХ-ын тэргүүлэгчид 2015 оны анхны хурлаа хийж 1. Сумын ИТХ, Тэргүүлэгчдээс 2015 онд хийх ажлын төлөвлөгөөгөө 2. Сумын 2015 оны газар зохион байгуулалтын төлөвлөгөөнд нэмэлт өөрчлөлт оруулах тухай 3. Аймгийн сайн малчин шагналд тодорхойлох тухай зэрэг асуудлуудыг хэлэлцэн шийдвэрлэлээ. Хурлын ажлын төлөвлөгөөг ИТХ-ын Хуралдаанаар хэлэлцэх асуудал, Тэргүүлэгчдийн хурлаар хэлэлцэх асуудал, Хяналт шалгалтын талаар хийх ажил, Сургалт, сурталчилгааны талаар, Ажлын хэсгүүдийн үйл ажиллагаа гэсэн 5 бүлэг бүхий чиглэлээр ажлуудыг тусган баталлаа. Үүнд: Сумын эдийн засгийн цогцолбор төлөвлөгөөнд нэмэлт өөрчлөлт оруулах, сумын боловсон хүчний бодлого батлах, Шилэн дансны тухай хуулийн хэрэгжилтэнд хяналт хийх, Орон нутгийн өмч хөрөнгийн хадгалалт, хамгаалалтад хяналт хийх, сумын бүх албан байгууллага , ААН-ийн үйл ажиллагаатай танилцах, тайланг хэлэлцэх, сумын бахархалт амьтныг тодруулан батлах, ОНХС, сум хөгжүүлэх сангийн үйл ажиллагаа, худалдан авах ажиллагаа, тендерийн үйл ажиллагааэд хяналт тавих, тайланг хэлэлцэх зэрэг олон ажлыг тусгалаа.

Номгон сумын ИТХ-аас санаачлан ЗДТГ, ЕБСургуультай хамтран ХҮҮХДЭЭ СОНСОЁ хүүхдийн чуулга уулзалтыг 2014.10.22-ний өдөр зохион байгууллаа. Тус чуулганд 4-9 анги бүрээс 5 хүүхдийн төлөөлөл болох 45 хүүхэд оролцож орон нутагт болон хүүхдүүдэд тулгамдаж байгаа асуудлаар санал бодлоо чөлөөтэй илэрхийллээ. Чуулганаар хүүхдүүд сумын нийт иргэд, хүүхдүүд, найз нөхөддөө хандан уриалга гаргалаа.